HAPPY HOLI

Jeevan satrangi kar deti ,

Masti se man ko bhar deti,

Gudgudi si dil men hai karti,

RISHTON MEN JAISE HAI SAALI,

HOLI KI HAI BAAT NIRAALI.

Bachapan ko saraabor kare jo,

Yauvan ko purzor kare jo,

Boodhon ko rangeen banaa de,

Nashili yeh hai matwaali,

HOLI KI HAI BAAT NIRAALI.

Sabko apane rang men rangati,

Bhedbhao koi naa karti,

Hindu muslim sikh isaai,

Gori hai naa hai kaali,

HOLI KI HAI BAAT NIRAALI.

Laal rang jo bikhare to,

Dil ko yeh bharmaataa hai,

Tere nainon men ubhare,

Doron ki yaad dilaataa hai,

Chehare par muskaan kaa sooraj,

Nabh pe honton ki hai laali,

HOLI KI HAI BAAT NIRAALI.

Haath men lekar shabd khadaa hoon,

Tere gaal pe inko mal doon,

Chhandon ki pichkaari se mai,

Teri choli ko tar kar doon,

Dil ko badi tasalli hoti,

Deti jo too meethi gaali,

HOLI KI HAI BAAT NIRAALI.

Happy Republic Day......

Woh chal rahaa thaa thakaa saa,

Bechain bedam jhukaa saa........

Kesari maathe pe uske pankbindu kuchh lage,

Uski shwet chhaati pe khoon ke chheente pade,

Neelaa chakra chalte chalte charmaraakar rukaa saa,

Woh chal rahaa thaa thakaa saa,

Bechain bedam jhukaa saa........

Koi to khaadi pahankar deha ko khaataa rahaa,

Devataa ke naam par dukh dard butwaataa rahaa,

Saath varshon kaa smajh, samajhaa use chuk gayaa saa

Woh chal rahaa thaa thakaa saa,

Bechain bedam jhukaa saa........

Mai bataa doon woh nahi bedam naahi bechain hai,

Daudane aage ki taiyaari men jkukaa ke nain hai,

Daud kar nikalegaa jyon teer kamaan se chhutaa saa,

Woh chal rahaa thaa thakaa saa,

Bechain bedam jhukaa saa........

Ek kadam peechhe ko le chhalaang lambi maaregaa,

Rokanaa chaahegaa jo bhi, shatru woh har haaregaa,

Pyaaraa yeh ganhtantraa apnaa, rahe hameshaa yuvaa saa,

Hai nahi woh thakaa saa,

Dikhtaa nahi woh jhukaa saa,

pank se nikalaa hai pankaj,

Keechad men hai woh kamal saa,

Urjaa nayyee shakti nayee,

Nav praanh desh men Phoonkaa saa.

Bechain- restless; Bedam- breathless;

Chuk gayaa- finished;Pankbindu- drops of mud;

Deha- body;Pank- mud; Pankaj- lotus;

Keechad- mud; Kamal- lotus;Chhalaang- jump;

Praanh- life

You and me

Days were passing without any aim,

With no motive of winning, playing a boring game.

No one was there to show me the way,

Life was a dark tunnel with no enlightening ray.

The moment I saw you my heart started leaping,

In mountains of despair, a sun of hope started peeping.

Your laughter filled my life with a joyful rainbow,

I wanted you forever never could let you go.

As you stepped on the floor of my heart,

You made this canvas, a masterpiece of art.

We started together a new chapter of life,

With every step we took, our world began to thrive.

Your affection has given me a face in the crowd,

Singing this serenade for you makes me feel proud.

I feel you with every breath, Don't have to give you the name,

You are the only one in the universe, A person more than a gem.

Ab ke Baras (Happy New Year)

Beet gayaa phir saal ek aur,

Phir aayegaa nayaa ek daur,

Bichhade phir se mil jaayenge,

Naye phool bhi khil jaayenge,

Geet sajenge phir adharon par,

Baahon men phir hogaa zor.

Nayaa ek daur…

Aankh men aas ke deep jalenge,

Dil men dayaa kaa neer bharenge,

Manzil pe pahunchenge hriday ki,

Beech raah nahi kadam thakenge,

Aalingan men har maanav ho,

fark naa koi shyaam yaa gaur.

Nayaa ek daur…..

Nyaay ki ujali dhoop khilegi,

Dukh kashton ki raat dhalegi,

Har naari Durgaa hogi aur,

Abalaa phir sabalaa men dhalegi,

Koi nahi Roochika hogi,

Dandit bhi honge Rathaur.

Nayaa ek daur….

Kop bhawan men kyon baithe tum,

Chaand amaawas ke bane ho tum,

Prashnon ke uttar nahin dete,

Kyon shail paashaanh bane tum,

Tumko Dronhaachaarya banaayaa,

Eklavya mai banaa ek aur.

Nayaa ek daur…..

Mere shabdon ko sur de kar,

Tumne geet ki rachanaa ki thi,

Taan tumhaari saath rahe bas,

Maine yehi tamannaa ki thi,

Ab ke baras chhoo lo bikhare sur,

Tham jaaye antarman shor,

Toote naa vishwaas ki dor,

Araj hamaari karnaa gaur,

Dekho chaahe tum jis aur,

Paaoge hamko chahun aur,

Nayaa ek daur.

I won’t bore you any more,

Or you may show me the door,

I’ll stop this nonsense only,

If you give me Rs ten crore.

Adhar- lips; Neer- water; Aalingan- embrace;

Maanav- human being;Shyaam- black;

Gaur- white;Abalaa- weak lady;

Sabalaa- strong lady;Shail- mountain;

Pashaanh- stone;Tamannaa- wish;

Araj- request;Chahun aur- everywhere

Gaur karnaa- taking into consideration;