Apnee Eid

Khojati hai har taraf bechain yeh meri nigaahen,

aaj ho deedaar unkaa aur apni Eid ho.

Thaam dil baithaa kiye hain aaj bhi ham raah men,

woh nigaahen phir uthaa den aur apni jeet ho.

Dil ke kone men dafan hai raaze ulfat aaj bhi,

ham rahen khaamosh unse, preet ki yeh reet ho.

Woh kalaabaazi dikhaakar logon ko behalaataa hai.

chaar sikke bhi mile to jaise uski jeet ho.

Teen futiyaa chhotu phir chamkaa rahaa hai jootiyaan,

uske liye 'bachapan kaa saawan' jaise jhoothaa geet ho.

Ghoorati gehari nigaahen cheethron men jhaankti,

note ko thaame yun gudiyaa man men jyun bhaybheet ho.

Chund sikkon men kharreeden dil ki jo apne khushi,

maangtaa maasoom bachpan ghar men jisse eid ho

Apni wafaa ke dard men mai to khoyaa hi rahaa,

bhookh, laachaari, garibi ko to undekhaa kiyaa,

inke toote bachpanon ki taan jo mai jod doon,

bhookhi nangi zindagi ke raaston ko mod doon,

Aao milke zor se dhakkaa lagaa den waqt ko,

milke seenchen insaaniyat ke sookhe is darakht ko,

muskuraate bachpanon kaa phir hamen deedaar ho,

woh haseen ki naa sahi zindagi ki deed ho.

Laute bachpan ki deewaali aur apni Eid ho.

Om Shanti Om

Original-" Meri umar ke naujavaanon" From the movie "Karz", Sung by- Kishor kumar

Idea of this parody was given by my cousin, Lokesh Bhaisaahab, thanx.

Meri umar ke pahalvaanon, Kushti naa ladanaa o deevaanon,

maine kushti ladke daant tudaaye taang tudaai,

jhooth to kahate nahi hai, kahate nahi hain log koi

are! kushti se badhkar nahi hai,badhkar nahi hai yog koi

chalte nahi kuchh daanv pech kushti ladate waqt yaaron,

chalte nahi kuchh daanv pech kushti ladate waqt yaaron,

us hospital men koi bhi nahi doctor thaa yaaron,

to gaao O....M, Shaanti om,shanti shanti om,

ooom shaanti om shanti shanti om.

Maine ladladke kushti haddi tudaayi dekho

maine ladladke kushti naak tudaayi dekho

isiliye nahi hui abhi tak, isiliye nahi hui abhi tak, meri sagaai dekho

Ldki waalon ne meraa photo jab gaur se dekhaa

Ldki waalon ne meraa photo jab gaur se dekhaa

ladki ne gusse men aake meraa photo phaad phekaa

To gaao O.......m,shanti o....m, shanti shati om,

om shanti om shanti shanti om.

Demystifying Hinduism

When I was a child, I always preferred books over sports. That was the time when I read Puranha, shrimadbhagvat, Ramayana, Ramcharitamanasa, and many religious books. My nanaji(maternal grandfather) Pt. Mohanlalji Sharma, a teacher by profession, always encouraged me to read Kalyana and other religious publication. I can distinctly recall many stories told by him,mainly related with Krishna. I always wanted to be second Krishna. We used to visit nanaji’s place every summer, Bharatpur, 50km from Mathura, Krishna’s place, my birthplace. I used to visit many temples holding hand of my naniji, Hanuman’s, Radhaakrishna’s and Gangaji’s temple. I can’t forget ringing bells, musical aartis, sweet Prasad, bhabhoot(holy ash) and beautiful marble made idols of gods and goddesses. My father, a doctor was practicing at Indore. We had a neighbor, Mr L C Jain, a book shop owner. His home was my favorite place, as I used to get lot of books to read namely Panchtantra, Chandamama, Nandan, Parag. These were the books which left a great impression on my personality. When others were busy playing games, I used to engulf myself in books.

As I grew up, I learned that most of the instances depicted in religious books were far from convincing logic, exaggerated. I decided that I shall not be just a reader; rather I shall try to put some light of logic on those unclear instances and stories. My father, a very well read person, is a follower of Arya Samaj, an organization which does not believe in worshipping the idols. They consider God as a superpower, unborn, eternal, without shape. They consider all gods as great persons with ideal and extraordinary qualities. My father (Dr Vedprakash Sharma)’s knowledge of Vedas and Upnishadas helped me further to understand the Hinduism. I also read Holy Kuran, Holy Bible, Buddha and Jain philosophy. There is so much to read that it might take decades to read and understand religions.

I was suugested by a good friend that"every religion is a myth...That's why every book written on a religion is called mythology..Because no one knows the exact truth ..."

Well I think that is not completely true,

Our religion is not mythology(hinduism)

Ved- the word is made up of "VID-GYAAN" of sanskrit, it means knowledge.

Puranha- It means, "that which lives from ancient times"

Upnishad- The sanskrit term upaniṣad derives from upa- (nearby), ni- (at the proper place, down) and sad, that is "sitting down near" a teacher in order to receive instruction"laying siege" to the teacher, as a Scholar puts it. "according to native authorities upanishad means 'setting to rest ignorance by revealing the knowledge of the supreme spirit ".

some people have made it a myth, thats why somebody has to spark a revolution and bring the change in the mindset of the hindu society. It sounds definitely a big task, but "A JOURNEY OF THOUSAND LEAGUES START WITH A SINGLE STEP", may God help me to achieve this endeavor.

God has given me almost everything, now it’s my turn to payback. Materials don’t matter here; therefore I decided to offer the Almighty, a view to clear the mist around Hinduism. In this process I don’t want to hurt anybody. My only motive is to serve my god in my own way. A TRIBUTE TO HINDUISM.

Please visit www.demystifyinghinduism.blogspot.com

zakhma ke khandahar

Baarishon men bhigaa huaa haraa bharaa badan meraa

sharad ritu ki teekhi dhoop men, tinake saa woh sookh gayaa.

dard ke saath paal rahaa thaa jigar men chupchaap jise,

ek thes lagi aur yaad ke pulindon ka zakhma phoot gayaa.

tera aanaa hi nahi huaa is benaseeb ke toote ujaad ghar men

jod rakhaa thaa is khandahar ko, aas ke saath hi toot gayaa.

tairkar paar kiye the jisane, woh lakh samundar gahare

sunaa hai ki chullu bhar ashqon men hi khud doob gayaa.

Sharad ritu- season of autumn; Tinakaa- blade of grass; Pulindaa- bundle; Zakhma phootanaa- oozing from wound; Ujaad ghar- ruined house; Khandahar- ruined house; Samundar- ocean; Chullu bhar- quantity contained in the hollow cup made by the palm of the hand(small quantity); Ashq- tears

Tukadaa

Dooriyon ki dhundh men, chhup gayaa dhoop kaa tukadaa,

thithurane lagaa hai phir, man kaa akelaa saa dukhadaa.

phir jam gayaa dubak gayaa, beaawaaz andheron men,

laavaa saa pighal nikalaa thaa, ek mom kaa tukadaa.

thandi safed chaadar odhke phirse jo so gayaa hai,

bah rahaa thaa jharne ki tarah, ek barf kaa tukadaa.

teri hansi ki gunguni dhoop ki roshani jo mil jaaye,

surajmukhi ki tarah khil jaaye, man ke upvan kaa tukadaa.

Tukadaa- piece; Dhundh- mist; Thithuranaa- shivering with cold; Mom- wax; Jharnaa- spring; gunguni- lukewarm; Upvan- garden

dastak

Toone chhuaa to rukti hai saansen,

chali purvaai madmast kahaan se.

Yeh aakaash ki sindoori si chunariyaa,

jismen uthi hai baadal ki gathariyaa,

kampti hai jaise saagar ki gaagariyaa,

dene lagi hai dil ko yeh jhaanse,

...............madmast kahaan se.

Yauvan malay ki surabhi too laayee,

kaisi hai mujhape masti yeh chhayee,

soojhe nahin ab kuchh bhi mujhe to,

nikli siskaari kaisi jubaan se,

...............madmast kahaan se.

Detaa hoon dastak tere yauvan par,

baahen failaaye khadaa hoon chaukhat par,

tere hi haathon men kismat hai meri,

mujhko milaa le, too apni jaan se,

..............madmast kahaan se.

Pranhay nivedan tum naa thukraanaa,

pyaase vyaakul ko tum naa tadpaanaa,

teri hi poojaa tum bin nahi doojaa,

mujhasaa premee phir milegaa kahaan se,

Toone chhuaa to rukti hai saansen.

malay- sandalwood; surabhi- fragrance

Ek aur nazariyaa-

detaa hoon dastak tere yauvan par,

baahen failaaye kahadda hoon chaukhat par,

bal hai peshaani par kyun o priyakar,

pitvaayegi mujhako kyaa too apni maan se.

he he he

peshaani par bal- folds on forehead